Tess Newton Cain: Australia save lanem from New Zealand abaot Pacific.

Kepulauan Solomon siap pulang pada akhir kerja musiman di Australia (foto Jerome Emilliani)
Wanfala woman we hem save gud long saet long politik mo development long Pacific hem se, Australia hem save lanem from New Zealand hao hem save tritim mo kamapum gudfala frenli fasin wetem ol Pacific aelan kantri.

Dr Tess Newton Cain, Principal blong TNC Pacific Consulting hem talem olsem taem we Speaker blong New Zealand palament, Trevor Mallard hem lidim wan cross-party delegation blong ol parliamentarian mo sam gavman ofisol, representatives blong ol NGO, bisnis moa ol woman grup fo visitim Vanuatu mo Solomon Islands.

Dr Cain hem se Australia hem save givim bigfala moa mani mo help long ol Pacific kan tri, be hem no save long hao fo putum mesej go long ol Pacific kantri olsem hem wan gud fren, hem luksave long issius blong ol mo bae help dil wetem ol issuis ia.

New Zealand delegesen ia hem gohet fo visit long taem we Praem Minista Jacinda Ardern hem talemaot narafala 300 million dollars fo helpem ol Pacific aelan kantri dil wetem climate change wea hem bigfala wari blong ol.